Almatyda Qazaqstannyń ındýstrııalyq-ınnovatsııalyq damýynyń qazirgi jaǵdaıy men bolashaǵy talqylanady
Ony Álemdik ekonomıka jáne saıasat ınstıtýty uıymdastyrýda. Bul sharaǵa ǵalymdar, taldaý jáne saraptaý qoǵamdastyqtarynyń jetekshi sarapshylary, memlekettik basqarý organdarynyń, ınvestıtsııalyq jáne ınnovatsııalyq qorlardyń, ulttyq kompanııalardyń, bıznes qurylymdardyń, halyqaralyq uıymdar men buqaralyq aqparat quraldarynyń ókilderi shaqyrylyp otyr. Onda jahandanýdyń ınnovatsııalyq úderiske áseri, ekonomıkany ártaraptandyrý jáne Qazaqstandaǵy údemeli ındýstrııalyq-ınnovatsııalyq damýdyń memlekettik baǵdarlamasynyń, ınnovatsııalyq qyzmetti memlekettik qoldaý quraldarynyń júzege asyrylýy, bar óndiristerdi jańartýǵa jáne jańadan qurýǵa bıznes pen memlekettiń kúshin biriktirý máseleleri talqyǵa túsedi dep kútilýde
2010-2014 jyldarǵa arnalǵan Qazaqstan Respýblıkasyndaǵy údemeli ındýstrııalyq-ınnovatsııalyq damýdyń memlekettik baǵdarlamasy 2010 jyldyń 19 naýryzynda Prezıdent Jarlyǵymen bekitilgen bolatyn. Ol aldymen ulttyq ekonomıkanyń turaqty jáne teńdestirilgen damýyn qamtamasyz etýge, onyń básekege qabilettiligin arttyrýǵa, ekonomıkalyq ósý ortalyqtaryn qurý jáne ekonomıkalyq sektorlardyń basym baǵyttaryn damytý boıynsha memleket pen bıznestiń ózara tıimdi árekettesýine baǵyttalǵan.