Almatyda qazaqstandyq úlesti damytý máselelerine arnalǵan «Memlekettik tapsyrys-2012» keńesi bolyp ótti
13:01, 24 Qarasha 2011
ASTANA. 24 qarasha. QazAqparat /Aıdar Ospanalıev/ - «Búgin Almatyda memlekettik organdar, júıequraýshy kásiporyndar men ulttyq kompanııalardyń,
otandyq taýar óndirýshiler men shaǵyn jáne orta bıznes ókilderiniń qatysýymen qazaqstandyq úlesti damytý máseleleri jónindegi «Memlekettik tapsyrys-2012» keńesi bolyp ótti», -dep habarlaıdy «QazMunaıGaz» ulttyq kompanııasynyń baspasóz qyzmeti.
«QazMunaıGaz» kompanııasynyń servıstik jobalar jónindegi basqarýshy dırektory Maǵzum Myrzaǵalıev aǵymdaǵy jyly Almaty qalasy jáne Almaty oblysynyń kásiporyndary men «QazMunaıGaz» kompanııa tobynyń qazaqstandyq úlesti damytý jáne ózara qarym-qatynas týraly jumys qorytyndylary jóninde habarlady. Aǵymdaǵy jyly «QazMunaıGaz» kompanııasy aımaqtardyń kásiporyndarynan 68,2 mıllıard teńgege taýarlar alyp, 57,3 mıllıard teńgege jumystar júrgizip, 34,4 mıllıard teńgege qyzmetter satyp aldy.