Almatyda «Qazaqstanda jasalǵan» atty jeńil ónerkásip taýarlarynyń kórme-jármeńkesi ashyldy

trong>Qazannyń 30-y. QazAqparat /Názıra Eleýhan/ - Búgin   «Symbat» sán akademııasynda QR Jeńil ónerkásip qaýymdastyǵynyń 10 jyldyǵyna oraı, «Qazaqstanda jasalǵan» atty jeńil ónerkásip taýarlarynyń kórme-jármeńkesi ótýde,

 dep habarlaıdy QazAqparat.

 Atalmysh jármeńkeni qala ákimdigi men «Atameken odaǵy» ulttyq ekonomıkalyq palatasynyń qoldaýymen  Jeńil ónerkásip qaýymdastyǵynyń kásiporyndary uıymdastyrýda.

 «Jármeńke birinshi ret ótip otyr. Biraq bul shara jalǵasyn tabady degen úmittemiz. Kórme-jármeńkeniń maqsaty - birinshiden, otandyq kásiporyndardyń taýarlaryn tutynýshyǵa tanystyrý, ekinshiden, óz óndiristerimizdiń ne isteı alatynyn kórsetý bolyp tabylady. Búgingi sharaǵa 10 otandyq kompanııa qatysýda. Kórmege bul kásiporyndardyń taýarlary, atap aıtqanda, áıelder men erlerdiń syrtqy kıimderi, balalarǵa arnalǵan kıimder, taý shańǵyshylaryna arnalǵan sporttyq kıimder, saltanatty rásimderge arnalǵan kıimder, ulttyq kıimder, aıaq-kıimderi, sómkeler, sonymen qatar joǵary oqý oryndarynyń jas dızaınerleriniń avtorlyq jumystary qoıylǵan», deıdi sharany uıymdastyrýshy, «KazSPO-N» JShS-tiń dırektory Elena Svechnıkova.

    Kórme-jármeńke barysynda qatysýshy kompanııalardyń jańa kollektsııalarynyń tanystyrylymy ótedi. Joǵary oqý oryndary da ózderi jasaǵan jeke týyndylaryn nazarǵa usynatyn bolady.

    Kórme-jármeńke qazan aıynyń 31-ne deıin jalǵasady.