Almatyda Qazaqstan ýrologtarynyń V sezinde emdeýge kishi ınvazıvti tehnologııalardy qoldaný máseleleri talqylanýda

ALMATY. QazAqparat- Almatyda «Ýrologııadaǵy kishi ınvazıvti tehnologııalar» taqyrybynda Qazaqstan ýrologtarynyń V sezi ótip jatyr. Oǵan QR Densaýlyq saqtaý jáne áleýmettik damý mınıstrliginiń ókilderi, B. Jarbosynov atyndaǵy Ýrologııa ǵylymı ortalyǵynyń ǵalymdary jáne elimizdiń basqa da óńirleri men alys, jaqyn shet elderden kelgen ýrolog mamandar qatysýda.

«Sezge deıin eki kún sheberlik synyptaryn ótkizdik. Onda Germanııa, Grýzııa, Reseı, Túrkııa jáne Frantsııadan kelgen esimderi álemge belgili áriptesterimiz operatsııa jasap, qandaı jańa tehnologııalardy qoldanatyndaryn kórsetti. Otandyq mamandarmen tájirıbe almasty. Jalpy, ýrologııa salasy medıtsınanyń basqa salalaryna qaraǵanda 90 paıyz tehnologııaǵa baılanysty. Sondyqtan da sezd kishi ınvazıvti tehnologııalardy qoldaný taqyrybynda ótip jatyr. ıAǵnı, ota jasaý barysynda adam aǵzasyna meılinshe az zaqym keltirý. Sezd qorytyndysy boıynsha arnaıy qarar qabyldanatyn bolady», - dedi óz sózinde «B. O. Jarbosynov atyndaǵy Ýrologııa ǵylymı ortalyǵy» AQ Basqarmasynyń Tóraǵasy, medıtsına ǵylymdarynyń doktory, professor Myrzakárim Alshynbaev.

Búginde zamanaýı medıtsınanyń damýy úshin ınnovatsııalyq tehnologııalardy qoldanýdyń mańyzdy ekeni daýsyz. Ýrologııalyq aýrýlarǵa shaldyqqan naýqastardy emdeýge jáne osy salada joǵary dárejede zertteýler júrgizýge zamanaýı ınnovatsııalyq tehnologııalardy qoldaný - naýqastardyń ómir súrý sapasyn arttyrýǵa jáne osy aýrý saldarynan múgedektikkke ushyraý deńgeıin azaıtýǵa septigin tıgizedi.

Búgingi sezd barysynda otandyq jáne shet eldik mamandar ózara tájirıbe almasyp, birlesken ǵylymı zertteýler júrgizý josparyn jasaıtyn bolady.

Aıta ketelik, keshe Almatyda TMD elderi ýrologtarynyń I quryltaı sezinde Myrzakárim Alshynbaev biraýyzdan TMD elderiniń ýrologtary Qaýymtastyǵynyń prezıdenti bolyp saılandy.