Almatyda Qazaqstan halqy Assambleıasynyń respýblıkalyq keńesi ótip jatyr

ALMATY. QazAqparat - Almaty qalasyndaǵy respýblıkalyq Dostyq úıinde Qazaqstan halqy Assambleıasynyń etnomádenı birlestiktermen respýblıkalyq keńesi ótip jatyr, dep habarlaıdy QazAqparat tilshisi.

Іs-sharaǵa Qazaqstan halqy Assambleıasy tóraǵasynyń orynbasary, QR Prezıdenti Ákimshiliginiń QHA hatshylyǵynyń meńgerýshisi M.Ázilhanov, Qazaqstan halqy Assambleıasy tóraǵasynyń orynbasary Z.Kýzıev, QR Parlamenti Májilisiniń depýtattary V.Nábıev, A.Hamedov, QR AQDM etnosaralyq qatynastardy damytý komıtetiniń tóraǵasy Ǵ.Shoıkın, QHA músheleri, respýblıkalyq etnomádenı birlestikterdiń basshylary men jastar qatysyp jatyr.

«Men respýblıkalyq etnomádenı birlestikterdiń jetekshilerimen tanysý úshin jáne Assambleıanyń 29-shy sessııasynyń nátıjelerin talqylaý úshin Almatyǵa arnaıy ushyp keldim. Búgingi kezdesý barysynda biz aldaǵy mindetterimizdi anyqtaıtyn bolamyz. Qazaqstan halqy Assambleıasynyń HHІH sessııasynda berilgen tapsyrmalardy júzege asyrýdy talqylaımyz «, - dedi Marat Ázilhanov.

Keńes sheńberinde QHA-nyń HHІH sessııasynda berilgen tapsyrmalardy iske asyrý turǵysynan Assambleıa men etnomádenı birlestikterdiń aldynda turǵan mindetterdi, QR AQDM etnosaralyq qatynastardy damytý jónindegi komıteti jumysynyń ózekti máselelerin, sondaı-aq Assambleıanyń respýblıkalyq etnomádenı birlestiktermen birlesken jobalardy iske asyrý barysy pysyqtalady.