Almatyda qaza tapqan polıtsııa serjanty Jalǵas Keldibaev 1-qyrkúıekte 24 jasqa tolar edi (FOTO)
Almaty qalalyq ІІD-niń Jol-patrýldik polıtsııa polkiniń polıtseıi, polıtsııa serjanty Jalǵas Keldibaev Almaty qalasy, Almaly aýdandyq ІІB shabýyl jasaǵan terrorısti ustaý kezinde jaralanǵan. Almaty qalasy 12-aýrýhanada jansaqtaý bóliminiń dárigerleri Jalǵas Keldibaevti aman alyp qalý úshin eńbek etti.
Jalǵas Keldibaevti aqtyq saparǵa shyǵaryp salý úshin týystary men jaqyndary, qyzmettesteri, kórshileri men dostary, aýyldastary jáne Jambyl oblysy jetekshiliginiń, Jambyl jáne Almaty oblysy ІІD ókilderi keldi.
Jambyl oblysy ákiminiń orynbasary Erqanat Mánjýov naǵyz batyrdy tárbıelep ósirgen marqumnyń otbasyna kóńil aıtty. Almaty qalasy ІІD-niń basshysy, general-maıor Serik Kúdebaev quqyq qorǵaý organdaryndaǵy qıyn ári qaýipti qyzmet jaıly, otandastardyń beıbit ómiri men qoǵamdyq qaýipsizdikti kúzetýdegi Qazaqstan polıtsııasynyń joǵary jaýapkershiligi týraly aıtty. QR Іshki ister mınıstri Qalmuhanbet Qasymovtyń polıtseı otbasyna kóńil bildirgen haty oqyldy.
Qordaılyq jýrnalıst Qurmanbek Álimjannyń aıtýynsha, Jalǵas Keldibekov Otar aýylynyń týmasy. Ol qarapaıym otbasynda, temirjolshy Amanbaı Keldibaevtiń januıasynda ósken.
«Birinshi qyrkúıek kúni Jalǵas 24 jasqa tolar edi», - dedi Q.Álimjan.
Aıta keteıik, 27 jastaǵy Rýslan Kúlekbaev 2016 jylǵy 18 shildede Almaty qalasynyń aýdandyq ІІB birine jáne UQKD ǵımaratyna shabýyl jasady. Saldarynan bes adam - úsh polıtseı, shekarashy jáne zeınetker qaza taýyp, segiz adam jaraqat alǵan. Keıinnen aýrýhanada aýyr jaralanǵan úsh polıtseı kóz jumdy.