Almatyda qatty jel soǵyp, nóser jańbyr jaýyp tur

ALMATY. QazAqparat - Almatyda tústen keıin kún kúrkirep, nóser jaýyn jaýdy, dep habarlaıdy QazAqparat tilshisi.

Tolassyz jaýǵan jaýyn sýy kóshelerdegi aryqtardy toltyryp aǵyp jatyr.

Keshe Tótenshe jaǵdaılar departamenti 24 maýsym kúni qalada nóser jańbyr jaýyp, kún kúrkireıtinin eskertken bolatyn.

«Maýsym aıynyń sońynda túnde aýa temperatýrasynyń aýytqýy kútiledi. Túnde +15, kúndiz +38°S deıin. Al, shildeniń birinshi onkúndiginde túnde aýa temperatýrasy kóteriledi. Túnde +11-den +25°S-qa deıin, kúndiz +31-den +42°S-qa deıin ystyq bolady», - dep habarlady Qazgıdrometten.

Shildede jaýyn-shashyn mólsheri normaǵa jaqyn bolady dep kútilýde, aı ishinde ótkinshi jańbyr jaýyp, naızaǵaı oınaıdy. Jel ekpini 20 m/s jetedi.