Almatyda qarý-jaraq qoımasy tabyldy

ALMATY. QazAqparat- Almatyda urlanǵan myltyq pen oq-dárilerdiń qoımasy tabyldy, dep habarlaıdy QazAqparat tilshisi.

Almaty qalalyq polıtsııa departamentiniń málimetinshe, qarý-jaraq saqtalǵan qupııa oryn «Shańyraq» yqsham aýdanyndaǵy jeke turǵyn úıdiń edeniniń astynan tabyldy.

Belgili bolǵanyndaı ol jerde tártipsizdikke jáne qarý-jaraq dúkenin tonaýǵa qatysqan tórt adam qarý-jaraq pen oq-dárilerdi saqtaǵan.

«Atap aıtqanda, tintý kezinde oqtary bar eki myrysh, 12 RGD jáne F-1 granatasy, AK-47-ge arnalǵan eki patron, oq ótkizbeıtin kıim, qalqandar, dýlyǵalar, RPG snarıady, tegis uńǵyly myltyq, toǵyz myltyq tabyldy. Aıǵaqty zattar tergeý-jedel tobymen protsessýaldyq tártipte tárkilendi. Qylmystyq is QR QK-niń 188 baby 3 bóligimen jáne QR QK-niń 291 baby 1 bóligimen tirkeldi», – dedi Almaty qalalyq polıtsııa departamenti bastyǵynyń orynbasary Berik Ábilbekov.

Kúdiktiler ýaqytsha ustaý ızolıatoryna qamaldy

Polıtsııa ókilin aıtýynsha, ustalǵandar arsenal tabylǵan jaldamaly úıde birge turǵan.