Almatyda qarý-jaraq dúkenin tonaýǵa qatysqan taǵy bir kúdikti ustaldy

ALMATY. QazAqparat - Almatyda «Anna» qarý-jaraq dúkenin tonaýǵa qatysqan taǵy bir adam ustaldy. Bul - buryn bótenniń múlkin urlaǵany úshin sottalǵan 33 jastaǵy Jambyl oblysynyń turǵyny, dep habarlaıdy QazAqparat tilshisi.

5 qańtarda Almatyda S. esimdi azamat qarý-jaraq dúkenin tonaýǵa qatysqan.

Atap aıtqanda, dúkenniń esikterine ornatylǵan tordy syndyrý úshin tros baılanǵan VAZ-2114 avtokóligin júrgizgen.

Osy zańsyz áreketiniń nátıjesinde kúdikti eki tegis uńǵyly jáne eki myltyqty alyp ketken.

«Qazirgi ýaqytta onyń jappaı tártipsizdik pen qarýly shabýyldarǵa qatysy bar-joǵy tekserilip jatyr. Esterińizge sala keteıin, sol kúni qalada bir mezgilde jeti qarý-jaraq dúkenine shabýyl jasaldy, qylmyskerler 1 347 qarýdy, onyń ishinde 501 myltyq, 807 tegis uńǵyly jáne 39 gaz-travmatıkalyq qarýdy áketken, sondaı-aq oq-dári tonaldy», – deıdi Almaty qalalyq polıtsııa departamenti bastyǵynyń orynbasary Berik Ábilbekov.

Urlanǵan qarý kúdiktiniń úıinen tárkilendi. Aıtý kerek, ol buǵan deıin de bireýdiń múlkin urlaǵany úshin sotty bolǵan.

«Besi kúni úıden shyqtym. Bes beıtanys adam kóligimdi toqtatyp, «júr, aǵa, kettik. Biz saǵan jol kórsetemiz» dep kólikke minip aldy. Biz qarý-jaraq satatyn dúkenge kelgen ekenbiz. Olar meniń kóligime tros baılady jáne tartýdy buıyrdy. Terezeleri, esikteri synǵan. Bul belgisiz bireýler kólik ishine eki avtomatty ákeldi, júk salǵyshqa eki myltyqty laqtyrdy. Sosyn men osy qarýmen ketip qaldym», – dedi kúdikti.

Kúdikti qamaýǵa alyndy.