Almatyda qarý-jaraq dúkenin tonaǵan eki qylmysker ustaldy

ALMATY. QazAqparat - Almatyda qarý-jaraq dúkenin tonaǵan urylar qaladaǵy joǵary oqý oryndarynyń eki stýdenti bolyp shyqty, dep habarlaıdy QazAqparat tilshisi.

«Bul Almaty oblysy, Eńbekshiqazaq aýdanynyń turǵyndary. Olar 20 jasta. 6 qańtarǵa qaraǵan túni qaskóıler qarý-jaraq dúkenin tonaýǵa qatysqan. Olar ol jerden qarý-jaraq, oq-dári, arnaıy tehnıka jáne basqa da qurylǵylardy urlaǵan. Kúdiktiler kinálaryn moıyndap, qylmysty qalaı jasaǵandaryn aıtyp berdi. Olar qamaýǵa alyndy. Sotqa deıingi tekserý jalǵasýda», – dedi Medeý aýdandyq PB janyndaǵy polıtsııa bóliminiń bastyǵy Edilhan Baıǵaraev.

Spıkerdiń aıtýynsha, ustalǵandardyń jeke basy jappaı tártipsizdikter kezinde oryn alǵan basqa da qylmystarǵa qatysy bar-joǵy tekserilýde.