Almatyda qart adamdardyń belsendiligin arttyrý jolynda ǵylymı-tájirıbelik konferentsııa ótti
dep habarlaıdy QazAqparat.
Elbasy N.Á. Nazarbaev bıylǵy Joldaýynda jalpy ólim - jitimdilikti 30 paıyzǵa azaıtý, júrek- qan tamyrlary aýrýlaryn tómendetý jáne ómir súrý uzaqtyǵyn 72 jasqa deıin kóterý mańyzdy maqsat ekendigin aıtyp ótken bolatyn. Osy tusta QR Densaýlyq saqtaý mınıstrligi, «Kardıologııa jáne ishki aýrýlar ǴZI» RMK, «Uly Otan soǵysy múgedekterine arnalǵan Respýblıkalyq klınıkalyq gospıtal» RMQK, QR Gerontologtar qoǵamy búgingi sharany uıymdastyryp otyr.
Shara aıasynda Qazaqstan men TMD-nyń jetekshi mamandarynyń adamdardyń qartaıýy, qarttardyń tamaqtaný máseleleri, QR gerontologııa qyzmetiniń jaǵdaıy men bolashaqtaǵy negizgi baǵyttary boıynsha baıandamalar oqylyp, talqylandy. Sonymen qatar Almaty qalasynda ýaqytynan buryn qartaıý máseleleri men QR-da belsendi ómir súrýdi uzartýdyń ǵylymı túrdegi joldaryn jasaý týraly pikirtalas ótti.
Konferentsııaǵa alys shetelden jáne TMD ǵalymdary, QR-nyń barlyq aımaǵynyń bas mamandary, densaýlyq saqtaý jetekshileri qatysty.