Almatyda qarapaıym zattar ekonomıkasy boıynsha 67 joba maquldandy

ALMATY. QazAqparat - Almatyda óńirlik kommýnıkatsııalar qyzmeti alańynda ótken brıfıng barysynda Almaty qalasy Kásipkerler palatasynyń dırektory Aıtýar Qoshmambetov bıznesti qoldaý qorytyndysy men aldaǵy jylǵa arnalǵan jumys jospary týraly aıtyp berdi, dep habarlaıdy QazAqparat tilshisi.

Onyń aıtýynsha, qarapaıym zattar ekonomıkasy boıynsha Almatyda búgingi tańda 122,4 mlrd teńgege 67 joba qarjylandyrylyp, maquldandy. Taǵy quny 12,4 mlrd teńge bolatyn 7 joba qujat qaralyp jatyr.

Jaqynda Almaty ákiminiń orynbasarynyń tóraǵalyǵymen jergilikti qamtýdy baqylaý jónindegi komıssııanyń 27 otyrysy ótti.

Bıylǵy 11 aıda Almaty boıynsha «Jumyspen qamtý jol kartasy» baǵdarlamasy sheńberinde qurylys obektileri boıynsha jergilikti qamtý úlesi (budan ári – JQÚ) 89%-ǵa jetti.

«Qarapaıym zattar ekonomıkasy» salalary boıynsha 11 aıda jeńil ónerkásibinde JQÚ — 61%; jıhaz ónerkásibinde JQÚ — 73%; qurylys materıaldary ónerkásibinde JQÚ — 64%; tamaq ónerkásibinde JQÚ— 77%; hımııa ónerkásibinde JQÚ — 83%; mashına jasaý ónerkásibinde JQÚ — 45%-ǵa jetti.