Almatyda karantın talabyn buzǵan 25 kásipkerge aıyppul salyndy
Tártip saqshylarynyń málimeti boıynsha 16 tamyzdan 17 tamyzǵa qaraǵan túni belgilengen shekteýlerdiń 13 ret buzýshylǵany anyqtaldy. Quqyq buzýshylardyń qatarynda Bostandyq aýdanyndaǵy «Weekend Vibes» kafesi bar. Olar karantın kezinde ruqsat etilgen jumys ýaqytynan keıin 40 kelýshini qabyldaǵan.
Shamamen osy ýaqytta tekserýshiler «Vostochnyı dvor» kafesinde zańbuzýshylyqty tirkedi, onda 40-qa jýyq adam boldy.
Kelesi kúni tekserýler jalǵasty, 17 tamyzda Bostandyq aýdanynda shamamen 23:28 saǵatta «JAM» barynda jumys rejıminiń buzylýy tirkeldi.
Sol kúni keshki saǵat 22.43 shamasynda sol shaǵynaýdanda «Chechil Pub» kafesinen 50 kelýshi tabylǵan, zań buzýshylyqtarǵa jol berilgen.
Almaty qalasynyń bas sanıtarlyq dárigeriniń talaptaryn oryndamaǵany úshin bul mekemelerdiń ıeleri ákimshilik jaýapqa tartylady.
Epıdemıologtardyń aıtýynsha, jasyryn keshterde, jabyq jerlerde ýaqyt ótkizý arqyly qala turǵyndary ózderine jáne aınalasyndaǵylarǵa qaýip tóndiredi.
Aıta keterligi, mekemelerde mundaı zańsyzdyqtarǵa der kezinde toıtarys beriledi. Mysaly, ótken aptada monıtorıng toptary 1000-ǵa jýyq nysandy tekserip, 124 buzýshylyqty anyqtady.
Sonymen qatar, qala qoǵamdyq kólikterde maska rejıminiń saqtalýyn baqylaý jalǵasýda.
Almaty qalasynyń qoǵamdyq kólikterinde betperde rejımin saqtamaǵany úshin 105 avtobýsta júrgizilgen tekserý nátıjeleri boıynsha QR ÁQBtK 1-bóliminiń 425-baby boıynsha 17 jolaýshyǵa qatysty ákimshilik hattama jasaldy.
Tekserýshiler avtobýs jolaýshylaryna betperde taǵý mindetti ekenin, bul ınfektsııa qaýpin azaıtatynyn túsindirip jatyr.
Almatylyq epıdemıologtardyń málimeti boıynsha, qoǵamdyq kólikter ınfektsııa juqtyrýdyń negizgi bes ornynyń biri munda juqtyrý 17,6%-dy quraıdy.
Eske salsaq, Almatyda «qoıý qyzyl» aımaqqa shekteý sharalary 1 qyrkúıekke deıin uzartyldy.