Almatyda karantın rejımin buzǵan 24 nysan anyqtaldy

ALMATY. QazAqparat –Almatynyń monıtorıng toptary karantın sharalarynyń saqtalýy boıynsha kúsheıtilgen rejımde jumys istep jatyr. Bul týraly megapolıs ákimi Baqytjan Saǵyntaev jedel shtab otyrysynda atap ótti, dep habarlaıdy QazAqparat tilshisi.

Onyń aıtýynsha, 4-10 qazan aralyǵynda Almaty qalasy boıynsha monıtorıng toptary karantındik sharalardyń saqtalýyn baqylaý maqsatynda 195 nysanǵa tekserý júrgizdi. Erejeni buzǵan 24 nysan anyqtaldy. Nátıjıesinde 106 hattama toltyryldy, onyń ishinde zańdy tulǵalarǵa 7 mln teńgeden astam somaǵa 21 hattama jasaldy. Maska rejımin buzǵany úshin jeke tulǵalarǵa qatysty 3,7 mln teńgege 85 hattama toltyryldy. Ashyq jobasy boıynsha bıylǵy jyldyń 29 qyrkúıegi men 5 qazany aralyǵynda jobaǵa qatysatyn obektilerdegi 171 kelýshide «qyzyl» mártebe, «sary» – 37 adamnan rastaldy. 4-8 qazan aralyǵynda «qyzyl» mártebesi bar 114 jeke tulǵaǵa ózin-ózi oqshaýlaý rejımin buzǵany úshin 30 AEK aıyppul salyndy.