Almatyda karantın kúsheıtildi: Bankter qalaı jumys isteıdi

ALMATY. QazAqparat - Almaty qalasynyń bas sanıtarlyq dárigeri Jandarbek Bekshın engizilip otyrǵan qosymsha shekteý sharalaryna baılanysty bankter qalaı jumys isteıtinin aıtty, dep habarlaıdy QazAqparat tilshisi.

«Biz banktik qyzmet kórsetý salasy týraly kóp talqyladyq. Buıryqqa sáıkes bankterdiń qyzmeti tek qashyqtan jumys isteıtin adamdardyń paıyzdyq mólsherlemesimen shekteletin bolady. Bankter apparattarynyń ortalyq bólimsheleriniń qyzmetkerleri 60% qashyqtan jumys isteıdi. Al fılıaldar 40% onlaın formatqa aýystyrylady», - dedi Jandarbek Bekshın.

Sonymen qatar, ol bank qyzmetkerleri arasynda koronavırýs juqtyrǵandardyń kóp ekenin basa aıtty.

«Bank salasy ınfektsııany juqtyrý qaýpi joǵary topqa jatady. Sebebi jabyq mekemede jumys isteıdi», - dep qosty bas sanıtarlyq dáriger.

Buǵan deıin habarlaǵanymyzdaı, Almatyda koronavırýsqa baılanysty epıdemıologııalyq ahýaldyń kúrdelenýine baılanysty 20-28 naýryz aralyǵynda karantın talaptary kúsheıtildi. Osyǵan oraı, avtobýstyń qozǵalys rejımi ózgerdi.