Almatyda qaramaǵyndaǵylardy balaǵattaǵan bólim bastyǵynyń is-áreketi qaralatyn boldy
16:06, 10 Jeltoqsan 2020
ALMATY. QazAqparat - Almaty qalalyq Turǵyn úı saıasaty basqarmasynyń Ekologııa jáne qorshaǵan ortany qorǵaý bóliminiń basshysy Qaırat Toqtasynovtyń áleýmettik jelide taralǵan balaǵat sózderin qaraıtyn arnaıy komıssııa quryldy, dep habarlaıdy QazAqparat tilshisi.
Bólim qyzmetkerleri basshylarynyń namysqa tıip, balaǵat sóz aıtatyndyǵyna shaǵymdanǵan. Anonımdi jazba Instagram jelisinde paıda boldy.
Alaıda keıin aýdıojazba óship qalǵan.
«Almaty turǵyn úı» JShS dırektorynyń buıryǵymen osy derekke baılanysty qyzmettik tekserý bastaldy.
«Qyzmettik tekserý barysynda bólim basshysy Qaırat Toqtasynovtan túsinikteme alyndy. Bolǵan oqıǵanyń mán jaıyn anyqtaý úshin bólim qyzmetkerlerinen suraq jaýap alynyp jatyr. Aıta keteıik, olardyń keıbireýi ǵana basshysynyń áreketine kóńil tolmaıdy. Komıssııanyń aldyn ala málimetine sáıkes bundaı quqyq buzýshylyq úshin qatań sógis retinde tártiptik jaza qarastyrylǵan»,- dedi qalalyq basqarmadan.