Almatyda Qańtar oqıǵasyna qatysqan 25 adamǵa sot úkimi shyqty
Sottyń málimetinshe, 25 aıyptalýshy 2022 jyldyń 4-5 qańtar aralyǵynda Almaty qalasynyń ár jerinde jappaı tártipsizdikke qatysyp, asa iri mólsherde urlyq jasaǵan, turǵyn úı, qyzmettik jáne óndiristik úı-jaıǵa zańsyz kirip, iri zalal keltire otyryp kólik quraldaryn aıdap áketken.
Sottalýshylar qaýipti óndiristik nysanyń aýmaǵyna, arnaıy organdar kúzetetin basqa da nysandarǵa zańsyz kirip, aıtarlyqtaı zalal tıgizdi dep aıyptalyp otyr.
Sondaı-aq, olardyń aldyn ala sóz baılasý arqyly atys qarýlaryn urlap áketkeni jáne jappaı tártipsizdik kezinde bılik ókilderiniń densaýlyǵyna zalal tıgizip, olardyń múlkin búldirip, joıǵany anyqtaldy. ⠀
Jaza taǵaıyndaý kezinde mynadaı mán-jaı eskerildi: sottalýshylardyń kinásin tolyq jáne jartylaı moıyndaýy, buryn sottalmaǵany, jeke basy, jas mólsheri, quqyqbuzýshylyq jasaǵanǵa deıingi jáne odan keıingi minez-qulqy, kámeletke tolmaǵan balalarynyń bolýy, qylmystyq quqyq buzýshylyqtyń qoǵamdyq qaýpiniń sıpaty men dárejesi, qylmystyq quqyq buzýshylyqty tótenshe jaǵdaı kezinde jasaýy.⠀
«20 azamatqa raqymshylyq zańy qoldanylyp, 9 aıdan 1 jyl 9 aıǵa deıingi merzimge shartty jaza taǵaıyndaldy. 4 tulǵaǵa raqymshylyq týraly zań qoldanylyp, osyǵan baılanysty olar jazadan bosatyldy. Bir azamat qaıtys bolýyna baılanysty qylmystyq jaýapkershilikten bosatyldy»,- dep habarlady qalalyq sottyń baspasóz qyzmetinen.