Almatyda qant baǵasy eki ese ósti

ALMATY. QazAqparat – Almatyda azyq-túlik qymbattap jatyr. Bul týraly megapolıs basshysy Erbolat Dosaev Ortalyq kommýnıkatsııalar qyzmeti alańyndaǵy brıfıngide aıtty, dep habarlaıdy QazAqparat tilshisi.

«Almatyda baǵanyń joǵary ósý qarqyny saqtalyp otyr. Jyl basynan bergi 6 aıdyń qorytyndysy boıynsha ınflıatsııa – 10,3%. Inflıatsııanyń negizgi úlesi birinshi kezekte azyq-túlik baǵasynyń ósýi esebinen qalyptasty, ol 16,4 paıyzǵa jetti», - dedi Almaty ákimi.

Onyń aıtýynsha, qant baǵasy 2 ese ósip, qazir 560 teńgeden satylyp jatyr.

«Budan bólek, pııazdyń baǵasy 156 teńgege deıin kóterildi. Nan 95 teńge, sút 18%-ǵa ósti. Olardyń tutyný baǵasynyń ındeksindegi úlesi – 2,2 protsenttik tarmaq. Jumyrtqa baǵasy 0,4%-ke tómendedip, 460 teńge turady», - deıdi Erbolat Dosaev.

Qazir qalada sıyr eti 2 350 teńgeden saýdalanyp jatyr. Sary maı 5,6 paıyzǵa ósti, kelisi – 3 400 teńge.

«Jetkizý tizbeginiń buzylýy jáne teńge baǵamynyń turaqsyzdyǵyna baılanysty ınflıatsııa áli de joǵarylaýy múmkin», - deıdi Erbolat Dosaev.