Almatyda qansha kópbalaly ana turady
Usynylǵan aqparatqa sáıkes, Almaty qalasynyń Áleýmettik ál-aýqat basqarmasy halyqtyń áleýmettik osal toptaryn, onyń ishinde kópbalaly jáne az qamtylǵan otbasylardy qoldaý boıynsha áleýmettik jobalardy iske asyrýda.
Qalada «bir tereze» qaǵıdaty boıynsha kópbalaly jáne az qamtylǵan otbasylarǵa arnalǵan qalalyq jáne 8 aýdandyq «Baqytty otbasy» ortalyǵy jumys isteıdi.
Bul ortalyqtyń negizgi maqsaty kópbalaly otbasylardyń ómir súrý sapasyn arttyrý, Almaty qalasynda turatyn azamattardyń ekonomıkalyq derbestigi men ómirlik qıyn jaǵdaıdan shyǵý úshin jeke motıvatsııasyn nyǵaıtý bolyp tabylady.
Ortalyq qyzmeti: mádenı-buqaralyq is-sharalardy uıymdastyrý; demalys, kommýnıkatsııa úshin ınfraqurylym qurý; otbasy múshelerin qosymsha daǵdylarǵa úıretý, onyń ishinde ózin-ózi ishinara jumyspen qamtyǵan shaǵyn bıznesti uıymdastyrý; jumysqa ornalasýǵa járdemdesý; zań jáne psıhologııalyq konsýltatsııalarǵa qoljetimdilikti qamtamasyz etý.
Eske salsaq, Almatyda jyl basynan beri 696 adam kópbalaly otbasy mártebesine ıe boldy. Onyń 318-i kópbalaly otbasylar úshin taǵaıyndalatyn járdemaqyny proaktıvti formatta alǵanyn jazǵanbyz.