Almatyda qansha ata-ana balasyna Pfizer vaktsınasyn saldyrýǵa kelisim berdi

ALMATY. QazAqparat - 30 myńnan asa almatylyq balasyna Pfizer vaktsınasyn saldyrýǵa kelisim berip otyr. Bul týraly brıfıng barysynda Almaty qalalyq qoǵamdyq densaýlyq saqtaý departamenti basshysynyń orynbasary Svetlana Sultanǵazıeva málim etti, dep habarlaıdy QazAqparat tilshisi.

Onyń aıtýynsha, megapolıste 12 men 17 jas aralyǵyndaǵy 170 myń bala. Onyń ishinde ata-ananyń 20 paıyzy balasyna Pfizer vaktsına egýge kelisim berdi.

«Bul shamamen 30 myńnan asa ata-ana. Alaıda bul kórsetkish ózgerýi múmkin, sebebi sát saıyn kelisim bergender artyp jatyr. Vaktsınalaý aldymen medıtsına mekemelerinde júrgiziledi. Al bilim ordalaryna tek arnaıy shaqyrtý arqyly medıtsına qyzmetkerleri barady» , - dedi Svetlana Sultanǵazıeva.
Qalada Pfizer vaktsınasyn salý 12 qarashada bastalady. Birinshi kezekte 16-17 jastaǵy balalarǵa ata-anasy ruqsat bergennen keıin salynady.
Aıta keteri, 10 qarashada túnde Qazaqstanǵa Pfizer vaktsınasynyń alǵashqy partııasy jetkizildi. Almaty qoımasynda vaktsınanyń alǵashqy 46 800 dozasy, birinshi komponenttiń 23 400 dozasy jáne ekinshisiniń 23 400 dozasy bar. Eki bóliginiń arasy 21-28 kún bolýy kerek.