Almatyda qandaı mamandyq ıeleri tapshy

ALMATY. QazAqparat - Almaty qalasynyń Jumyspen qamtý ortalyǵynyń dırektory Dılıara Imanqulova onlaın brıfıng barysynda megapolıste qandaı mamandyq ıeleri tapshy ekenin aıtty, dep habarlaıdy QazAqparat tilshisi.

Onyń aıtýynsha, densaýlyq saqtaý salasynda mamandar tapshylyǵy baıqalady.

«Biz «Eńbek» portaly arqyly qandaı mamandyqtarǵa suranys joǵary ekenin baqylap otyramyz. Qazir densaýlyq saqtaý salasynda úlken qajettilik bar. Ásirese, terapevt pen nevropatolog dárigerleri tapshy. Sonymen qatar, bilim berý salasynda: pedagogıkalyq kadrlarǵa qajettilik baıqalady», - dedi Dılıara Imanqulova.

Sonymen qatar,ol ІT-mamandaryna suranystyń ósip kele jatqanyn atap ótti.

«Meniń oıymsha, IT salasynyń mamany áli de birinshi orynda tur. Pandemııa dárigerler men muǵalimderdi jumyspen qamtýǵa múmkindik beredi. Osy úsh negizgi mamandyqty men jastarǵa usynar edim «, - dep tolyqtyrdy spıker.

Dılıara Imanqulova 2021 jyly jumyssyzdyq deńgeıiniń ósýine jol bermeý men jumyspen qamtýdyń biryńǵaı tsıfrly júıesin qurýdy basty maqsat etip otyrǵanyn aıtty.