Almatyda qalalyq senbilikte 5 myńnan astam tal otyrǵyzyldy

ALMATY. QazAqparat - Almatyda qala basshysy Erbolat Dosaevtyń qatysýymen jalpyqalalyq senbilik ótti, dep habarlaıdy QazAqparat tilshisi.

Qalalyq ákimdiktiń málimetinshe, aýlalardy, saıabaqtar men skverlerdi, sý qoımalarynyń jaǵalaýlaryn tazalaýǵa 60 myńnan astam turǵyn qatysty.

Ekologııalyq aktsııa barysynda saq qorǵandarynyń aýmaǵynda, Alataý aýdanynyń Qaraǵaıly ormanynda, Saıran kóli men Qarǵaly ózeniniń jaǵasynda jappaı tal otyrǵyzý júrgizildi. Barlyǵy 5 myńnan astam tal otyrǵyzyldy.

«Senbilik kezinde qalanyń estetıkalyq túrin jaqsartý boıynsha jumystar júrgizildi: týrnıketter, tirekter, oryndyqtar, ýrnalar syrlandy.

Qoqysty shyǵarý úshin qalanyń kommýnaldyq qyzmetteri men kásiporyndarynyń 502 birlik arnaıy tehnıkasy tartyldy.

Qala turǵyndary barlyǵy 10 910 tekshe metr qoqys jınady.

Senbilikke qatysýshylar úshin sýsyndar satý pýnktteri, avtokofeınıalar uıymdastyryldy»,- delinedi ákimdiktiń habarlamasynda.

Osyǵan deıin Almatyda úı janýarlaryn tegin chıpteý baǵdarlamasy iske qosylǵanyn jazǵan edik.