Almatyda qalalyq máslıhat depýtattary birqatar jańa erejelerdi bekitti
Otyrysqa qala ákiminiń orynbasarlary, basqarma basshylary, máslıhat depýtattary, qoǵamdyq keńes músheleri jáne saraptamalyq qoǵamdastyq ókilderi qatysty.
Sessııa barysynda máslıhat depýtattary jasyl jelekterdi kútip ustaý jáne qorǵaý erejelerin bekitti, olardy ázirleýge ǵalymdar, kógaldandyrýshylar jáne jurtshylyq ókilderi belsendi qatysty.
Erejeler alǵash ret jasyl jelekterge qatysty normalar men talaptardy engizedi, ıaǵnı sýarý, onyń ishinde sýarý júıesin uıymdastyrý, jasyl jelekterdi zııankester men aýrýlardan bıologııalyq óńdeý, neǵurlym sapaly otyrǵyzý materıaldaryn tańdaý, obektilerden aǵashtarǵa deıingi eń az araqashyqtyqty saqtaý, aǵashtarǵa sanıtarlyq jáne formaly kesýdi júrgizý, qurylys júrgizý nemese aýmaqty rekonstrýktsııalaý týraly sheshimder qabyldaý kezinde mindetti túrde qoǵamdyq tyńdaýlar ótkizý.
Jańa erejelerge sáıkes, ótemdik ekpeler kezinde bıiktigi keminde 2,5 metr nemese bıiktigi keminde 2 metr qylqan japyraqty aǵashtardy úsh jyl boıy kútý qarastyrylady.
Jasyl keńistigi bar aýmaqta jumys isteıtin qurylys kompanııalaryna qoıylatyn talaptar kúsheıtildi. Qurylys uıymdary jumystardy júrgizý kezinde jasyl jelekterdiń saqtalýyn qamtamasyz etý úshin talaptardy oryndaýǵa mindetti.
Sessııa barysynda máslıhat depýtattary janýarlardy aýlaýdyń, ýaqytsha kútip-baǵýdyń jáne jansyzdandyrýdyń óńirlik qaǵıdalaryn, úı janýarlaryn kútip-baǵý jáne serýendetý erejelerin bekitti. Bul qujattar aýlaýdyń adamgershilik tásilin retteýge, qańǵybas janýarlardy beıimdeý (qosý) jónindegi jumysty jetildirýge múmkindik beredi; janýarlarǵa qatygezdik jasaǵany úshin ákimshilik sharalar qarastyrady.
Depýtattar Almaty qalasynda týrısterdiń kelý qunynyń (bes) paıyzy mólsherinde sheteldikter úshin týrıstik jarna mólsherlemesi boıynsha sheshim qabyldady jáne bekitti. Mundaı tájirıbe kóptegen jetekshi týrıstik elderde engizilgen. Týrıstik jarnadan alynǵan aqshalaı qarajat jergilikti bıýdjetten týrızmdi damytýǵa baǵyttalatyn bolady.
Sonymen qatar, halyqtyń ómir súrý jaılylyǵyn arttyrý úshin «Almaty qalasynda syrtqy jaryqtandyrý júıelerin paıdalaný erejeleri» bekitildi. Negizgi maqsat – syrtqy jaryqtandyrý nysandaryn kútip ustaý jáne paıdalaný, kólik quraldarynyń qozǵalys qaýipsizdigi jónindegi is-sharalardy ońtaılandyrý, sondaı-aq biryńǵaı jaryq tujyrymdamasyn jasaý.
Qaýipsizdikti qamtamasyz etý, sondaı-aq qylmys deńgeıin tómendetý jáne qylmystardyń ashylýyn arttyrý maqsatynda «Almaty qalasynda menshik ıeleriniń kelisimine oraı azamattar kóp jınalatyn oryndarda beınekameralar ornatý jáne beınebaqylaý monıtorıngin júrgizý erejelerin bekitý týraly» máslıhat sheshiminiń jobasy ázirlendi.
Bul erejeler menshik ıeleriniń kelisimimen polıtsııa departamentiniń Jedel basqarý ortalyǵynyń biryńǵaı júıesine kommertsııalyq obektilerdiń beınekameralaryn qosýǵa múmkindik beredi. Baılanys arnasy úshin tolyq tólemdi memlekettik organ óz moınyna alady. Osynyń arqasynda qalada beınebaqylaýdy qamtý 4 esege – 128 myń kameraǵa deıin keńeıedi.
Depýtattar Almaty qalasy jer komıssııasynyń quramyn jáne ol týraly qaǵıdany bekitti. Quram jyl saıyn kelesi on eki kúntizbelik aı ótkennen keıin bekitiledi.
Sessııa barysynda máslıhat aýdandyq jáne ýchaskelik saılaý komıssııalarynyń jańa quramyn saılady, sondaı-aq qalǵan ókilettik merzimine shyǵyp qalǵandardyń ornyna saılaý komıssııalarynyń múshelerin saılady.