Almatyda qala kúninde qaıda barýǵa bolady
Buǵan qosa, bul kúni kontsertter, kórmeler, fleshbomdar, festıvaldar, megapolıstiń damýy men órkendeýine úles qosqan jandardy «Almatynyń Qurmetti azamaty» ataǵymen marapattaý syndy merekelik is-sharalar ótedi:
– Saǵat 12:00-20:00 aralyǵynda qalanyń 8 aýdanynda jáne Panfılov pen Jibek Joly jaıaý júrginshiler kóshelerinde «Týǵan kúnińmen, Almatym!» festıvali ótedi. Merekeniń jalpy tujyrymdamasyna sáıkes festıval baǵdarlamasy túrli aımaqtarǵa bólinedi: komandalardyń qoıylymy, jas ártisterdiń kontserti, qolónershiler jármeńkesi, zamanaýı óner kórmesi, «Kıno» kafesinde kıno kórsetilimderi, jergilikti sýretshiler men dızaınerlerdiń sheberlik synyptary.
– Saǵat 10:00-den 21:00-ge deıin Tuńǵysh Prezıdent saıabaǵynda Apple Fest ótedi, eki kúnge ol alyp alma saıabaqqa aınalady. Festıval baǵdarlamasynda alma bazary, qalalyq meıramhanalar jármeńkesi, sporttyq jáne kontserttik baǵdarlamalar josparlanǵan. Oblystyq sharýashylyqtar satatyn alma ótken jylǵy 100 tonnadan 127 tonnaǵa kóbeıedi. Sonymen birge Abaı alańynda saǵat 10:00-de saltanatty is-shara – «Almaty qalasynyń Qurmetti azamaty» tósbelgisi tapsyrylady.
– Saǵat 15:00-de Astana alańynda «Saǵyndym Almatymdy» mýzykalyq festıvali ótedi. Sonymen qatar, saǵat 20:00-de Abaı alańynda «Almaty juldyzdary» mýzykalyq festıvali ótedi.
Almaty qalasynyń barlyq aýdanynda qala kúni toılanyp, saltanatty is-sharalar ótedi:
– Jetisý aýdanynda saǵat 17:00-de Aınabulaq shaǵyn aýdanyndaǵy Arbatta jáne 17 qyrkúıek saǵat 12:00-de «Gúlder» saıabaǵynda, Serikov kóshesi, 2a, qala kúnin toılaýǵa arnalǵan merekelik kontsert ótedi.
– Áýezov aýdanynda 17 qyrkúıek kúni saǵat 17:00-de Family park demalys saıabaǵynda (Abaı dańǵylynan kireberis) qýyrshaq teatry men estrada juldyzdarynyń qatysýymen «Týǵan kúnińmen, Almatym!» mádenı is-shara ótedi.
– Túrksib aýdanynda 16-17 qyrkúıek kúnderi saǵat 17:00-den 20:00-ge deıin №6 Oqýshylar úıi alańynyń aldynda, Seıfýllın dańǵyly, 13/1 «Týǵan kúnińmen, Almaty!» merekelik is-sharasy ótedi. Kesh qonaqtary úshin qazaqstandyq estrada juldyzdary, akrobattar, bıshiler men sıqyrshylar, sonymen qatar, sábılerge arnalǵan qýyrshaq teatry jáne tanymal «Ulytaý» etno-rok-toby óner kórsetedi.
– Almaly aýdanynda 16 qyrkúıekte saǵat 10:00-den 18:00-ge deıin Seıfýllın dańǵyly, 483 mekenjaıyndaǵy «Mega park» SOO aýmaǵynda «Týǵan kúnińmen, Almaty!» merekelik is-shara ótedi.
– Naýryzbaı aýdanynda aýdannyń estradalyq juldyzdary men daryndy balalarynyń qatysýymen «Almaty – bolashaq qalasy» merekelik kontserti 16 qyrkúıekte saǵat 11:00-de jáne 17 qyrkúıekte saǵat 19:00-de Shuǵyla sh/a, 347 mekenjaıyndaǵy aýdan ákimdigi ǵımaratynyń aldynda ótedi.
– Bostandyq aýdanynda 16 qyrkúıek kúni saǵat 16:00-den 19:00-ge deıin Rozybakıev kóshesi, 247a mekenjaıyndaǵy MEGA Alma-ata SOO amfıteatrynda jas oryndaýshylardyń qatysýymen merekelik kontsert ótedi.
– Alataý aýdanynda 16 qyrkúıekte qala kúnine oraı «Alataý» DÓT aýmaǵynda (Nurkent, 6 shaǵyn aýdany) saǵat 18:00-de «Asyl mura» dástúrli mýzykasynyń merekelik keshi, al 20:00-de «Dos-Muqasan» toby óner kórsetedi.