Almatyda qala ákimdiginiń laýazymdy tulǵalaryna qatysty asa iri kólemdegi alaıaqtyq áreket tergelip jatyr

ASTANA. QazAqparat - Sybaılas jemqorlyqpen kúres qyzmet Almaty qalasy ákimdiginiń laýazymdy jáne basqa da tulǵalarǵa qatysty asa iri mólsherdegi alaıaqtyq faktisi boıynsha sotqa deıingi tergep-tekserý júrgizip jatyr.

Bul týraly QazAqparat QR sybaılas jemqorlyqqar qarsy is-qımyl agenttiginiń baspasóz qyzmetine silteme jasap habarlaıdy.

Tergeý barysynda kommýnaldyq menshikti (sot úkimi boıynsha tárkilengen 3 kottedj jáne 2 páter) ótkizý tártibiniń buzylýy anyqtalyp baǵalaý týraly jalǵan esepter negizinde tikeleı úlestes jeke tulǵalarǵa tómen baǵamen satylǵany anyqtaldy (obektilerdiń quny birneshe ese tómendetilgen).

Olardyń qylmystyq áreketteri nátıjesinde memleketke keltirilgen zalal 819 mln teńgeni qurady (jyljymaıtyn múlik obektileri qunynyń aıyrmasy). Tergeý barysynda qabyldanǵan sharalardyń nátıjesinde zalal tolyǵymen óteldi.

Sot sanktsııasymen úsh kúdikti úı qamaǵyna alyndy.

Qylmystyq protsestik kodekstiń 201-babyna sáıkes tergeý múddesi úshin ózge aqparat jarııa etýge jatpaıdy.

«Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq protsestik kodeksiniń 19-baby 1-bóligine sáıkes, adamnyń kináli ekendigi zańdy kúshine engen sot úkimimen tanylǵansha ol jasalǵan qylmysqa kináli emes dep esepteledi»,-delingen habarlamada.

Osyǵan deıin Ulttyq ekonomıka vıtse-mınıstri Іlııas Óserov 2 aı úıqamaqta bolatyny habarlandy.