Almatyda IV halyqaralyq «Densaýlyq saqtaýdaǵy ınnovatsııa - 2019» ǵylymı forýmy ótip jatyr
Halyqaralyq forým QR Prezıdenti Іs basqarmasy medıtsınalyq qyzmetiniń 90 jyldyǵy aıasynda ótýde. Almatydaǵy ortalyq klınıkalyq aýrýhana (Sovmınka) 1929 jyly ashylǵan. Atalǵan medıtsına mekemesi naýqastarǵa úzdiksiz qyzmet kórsetip keledi.
«Búgingi kúni ol zamanaýı medıtsınalyq ortalyq, munda otandyq medıtsınany damytýshy jáne ozyq emdeý-dıagnostıkalyq praktıkany engizýshi úzdik dárigerler qyzmet etedi»,- dedi forým barysynda B. Saǵyntaev.
Qala ákimi medıtsınalyq kómektiń sapasyn júıeli túrde jaqsartý maqsatynda Ortalyq klınıkalyq aýrýhananyń eń jaqsy tájirıbeleri Almatydaǵy barlyq medıtsınalyq mekemelerge taratylatynyn atap ótti.
«Dárigerlerdiń kásibı biliktilik deńgeıi turaqty artatyn bolady, olardyń durys jumys isteýi úshin biz barlyq jaǵdaılardy jasaımyz. Aldaǵy úsh jyl ishinde aýrýhanalar men emhanalardyń jabdyqtalý deńgeıin 90%-ǵa deıin jetkizemiz», - dedi ákim.
Forým jumysy eki kúnge sozylady.