Almatyda ıtti qaı jerde qydyrtýǵa bolady

ALMATY. QazAqparat - Almatylyqtar saıabaqqa ıt ertip kirýge tyıym salynǵan belgilerge shaǵymdana bastady. Ákimdik qoǵamdyq orynda úı janýarlarymen qaıda jáne qalaı júrý kerektigin túsindirdi, dep habarlaıdy QazAqparat tilshisi.

Almaty qalalyq kásipkerlik jáne ınvestıtsııalar basqarmasy málim etkendeı, búginde qalada «It pen mysyqty ustaý jáne serýendeý erejeleri» bar. Atalǵan ereje 2018 jyldyń 17 sáýirde Almaty qalasy máslıhatynyń XXVII sessııasynda qabyldanǵan.

Erejege sáıkes qala aýmaǵynda mynalarǵa jol berilmeıdi:

1) ıttermen qoǵamdyq oryndarǵa barýǵa bolmaıdy;

2) oıyn jáne sport alańdarynda, balabaqsha, mektep aýmaǵynda, emdeý mekemelerinde, tyıym salý belgileri ornatylǵan jerlerde ıttermen serýendeýge tyıym salynǵan;

3) ıtterdi jaǵajaılarǵa aparýǵa, qoǵamdyq shomylý oryndarynda janýarlardy shomyldyrýǵa bolmaıdy;

4) janýardy terezeleri tyǵyz jabylǵan kólik ishinde qaraýsyz qaldyrýǵa ruqsat joq;

Almatyda ıt qydyrtatyn 8 oryn belgilengen:

Áýezov aýdanynda: №8,10 shaǵyn aýdany, Raıymbek 481B

Bostandyq aýdanynda: «ıÝjnyı» saıabaǵy

Almaly aýdanynda: M. Gandı atyndaǵy saıabaq

Jetisý aýdanynda: «Aınabulaq-1» yqshamaýdany

Túrksib aýdanynda: Baýman toǵaıy.

Sonymen qatar, turǵyndar qalanyń ortalyq saıabaǵynda tyıym salý belgileri bar taqtaǵa shaǵymdanýda.

Óz kezeginde ákimdik buny saıabaqtaǵy kóptegen oıyn alańdaryna baılanysty eknin túsindirdi.

Aıta keteıik, kez kelgen jerde úı janýarlaryn erkin alyp júrýge bolmaıdy. Erejege baǵynbaǵandar jazaǵa tartylyp, aıyppul tóleıdi.