Almatyda Italııanyń mádenıet ınstıtýty ashylady

ASTANA. QazAqparat – Elimizde ıtalııa halqynyń mádenıet ınstıtýty ashylady. Bul týraly búgin Syrtqy ister mınıstrliginde ótken is-shara barysynda belgili boldy, dep habarlaıdy QazAqparat tilshisi.

«Eki el arasyndaǵy mádenı yntymaqtastyq óte mańyzdy. Biz Italııada bilim alatyn qazaqstandyq jastardy kóbirek kórgimiz keledi. Biz, sondaı-aq, bizdiń stýdentterimizdiń de Qazaqstanǵa kelip bilim alǵanyn qalaımyz. Birneshe aptadan keıin biz Almatyda Italııanyń mádenıet ınstıtýtyn ashamyz. Bul aımaqtaǵy alǵashqy mádenı oshaq bolmaq. Sondaı-aq, bizdiń mádenı dıplomatııany damytýǵa nıetimizdiń dáleli. Biz kóp nárse istegimiz keledi. Biz úshin Qazaqstan strategııalyq seriktes, sondyqtan biz odan ári baılanysta bolyp, birge jumys isteıtin bolamyz», - dedi Italııa Respýblıkasynyń Mınıstrler keńesi tórǵasynyń orynbasary Antonıo Taıanı BAQ ókilderine arnalǵan baspasóz máslıhatynda.

Odan ári sheteldik meıman elimizdiń Syrtqy ister mınıstrligimen jasalǵan kelissózderge qanaǵattanǵanyn bildirdi.

«Ekijaqty delegatsııanyń kezdesýi óte jaǵymdy jaǵdaıda ótti. Biz úshin Ortalyq Azııadaǵy úlken elmen saıası qatynastardy nyǵaıtý mańyzdy. Sizderdiń elińiz sonshalyqty úlken, birneshe Eýropa eliniń aýmaǵyn alyp jatyr. Biz Qazaqstanda qabyldanyp jatqan jáne biz qoldaıtyn reformalardy ǵana emes, halyqaralyq arenada senimdilikke degen qarym-qatynasyn baǵalaımyz», - dep tolyqtyrdy Antonıo Taıanı.

Aıta keteıik, búgin Astanaǵa Italııa Respýblıkasynyń Mınıstrler keńesi tórǵasynyń orynbasary – Syrtqy ister jáne halyqaralyq yntymaqtastyq mınıstri Antonıo Taıanı resmı saparmen keldi.