Almatyda IT jáne kreatıvti hab salynyp jatyr
«Aqparattyq tehnologııa men kreatıvti ındýstrııaǵa basymdyq bere otyryp, qala ekonomıkasynda «qurylymdyq manevrdi» damytý úshin ınfraqurylymdyq jobalardy júzege asyrmaqpyz. Buǵan jeke kapıtal da qatystyrylady. Búgin Almaly aýdanynda ІT jáne kreatıvti hab jobasynyń iske asyrylý barysymen tanystym. Investor Jambyl Revshanov tehnologııalyq kreatıvti kompanııalar úshin aýdany 9 myń jáne 4 myń sharshy metr ONE Academie Informatique bilim ortalyǵy úshin keńse keńistiginiń qurylysyn júrgizýde»,– dep jazdy Baqytjan Saǵyntaev Instagram paraqshasynda.
Bilim ortalyǵynyń jobasy frantsýz baǵdarlamashysy, pedagog Nıkolıa Sadırak jáne 01 educational platform-men yntymaqtastyqta júzege asady.
«Onyń biregeıligi sol, baǵdarlamalaý, derekterdi taldaý, mashınalyq oqytý algorıtmderi, kıberqaýipsizdik, qosymshalardy ázirleý oqytýshysyz jáne dárissiz júrgiziledi. Jasóspirimder praktıkalyq máselelerdi sheshýmen qatar, IT negizderin ózdiginen úırenip, bul salaǵa endi kelgenderge kómektesedi. 1,5-2 jyldyń ishinde 18-42 jas aralyǵyndaǵy 800-ge jýyq maman daıarlaý josparlanyp otyr» dep atap ótti qala basshysy.