Almatyda iske qosylǵan Jobfair 365 tegin platformasy jastardy jumyspen qamtıdy
«Sharanyń nátıjesinde kásibı taǵylymdamaǵa 3800 adam jáne odan ári jumysqa ornalasý úshin 4900 adam shaqyryldy. Qalanyń úzdik spıkerleri túrli sheberlik saǵattaryn ótkizdi», - dedi qalalyq mansap ortalyǵynyń ókili Asqar Azamatov.
Career Day-ge barlyǵy 850 iri kompanııa qatysty, olar 10 myńnan astam bos oryn usyndy. Sonymen qatar 35 JOO men 83 kolledj, spıkerler men kásibı baǵdarlanǵan mamamandar keldi.
«NEET jastardyń jumyspen qamtylýy jáne olardyń úlesin azaıtý - qalanyń jastar saıasatynyń negizgi baǵyttarynyń biri. Sebebi, jastardy damytýdy qoldaý jónindegi Jol kartasynyń negizgi ındıkatory - jyl saıyn 10 myń jasty jumysqa ornalastyrý», - dedi Jastar saıasaty basqarmasy basshysynyń orynbasary Ázız Qajdenbek.
Spıker atap ótkendeı, Jastar saıasaty basqarmasy Tsıfrlandyrý basqarmasymen birlesip Jobfair 365 tegin tsıfrlyq platformasynyń test nusqasyn iske qosty.
«Platformanyń mindetteri - jastar arasynan jumys berýshiler men jumys izdeýshilerdi biriktirý, sondaı-aq artyq ákimshilik kedergilerdi boldyrmaý. Bul tásildi jasaý týraly bastamany joǵary oqý oryndarynyń mansap ortalyqtarynyń basshylary kóterdi. Búginde Qazaqstannyń 20 óńirinen 500 jumys berýshi tirkelgen, olar 1500 bos jumys ornyn ornalastyrdy, onyń ishinde eń suranysqa ıeleri: kólik jáne logıstıka salasyndaǵy 257 bos jumys orny jáne óndiris pen aýyl sharýashylyǵy salasyndaǵy 222 bos jumys orny», - dep tolyqtyrdy spıker.
Sonymen qatar, basqarmada jastardyń jumyssyzdyǵymen kúresý úshin 4 ózekti mamandyq - qyzmet kórsetý, IT, qolóner jáne soft skils boıynsha jastarǵa arnalǵan qysqa merzimdi kýrstar iske qosyldy.
«Jańa daǵdylardy ıgerý jastarǵa perspektıvaly jáne qyzyqty mamandyqty tańdaýǵa, jumys tabýǵa, qoǵamdaǵy táýelsiz ómirge beıimdelýge jáne ózin-ózi júzege asyrýǵa múmkindik beredi. Búgingi tańda 3850 jas 14 kýrs boıynsha oqydy», - dep atap ótti Á Qajdenbek.
Basqarmanyń málimetinshe, Almatyda 14-35 jas aralyǵyndaǵy 682 myń jas nemese turǵyndardyń jalpy sanynyń 32% - y turady. Qalanyń 35 joǵary oqý orny men 83 kolledjinde 255 myńnan astam stýdent oqıdy. Osy jyly aldyn ala derekter boıynsha JOO-lardy 42 myńǵa jýyq, al kolledjderdi 20 myńǵa jýyq stýdent bitiredi. Bul rette, ótken jyldardaǵy tájirıbe boıynsha túlekterdiń 80% - y Almatyda jumys tabýǵa tyrysady, al bitirgennen keıingi birinshi jyl ishinde 10 myńǵa jýyǵy jumyssyzdar qatarynda bolady. Bıylǵy birinshi toqsanda NEET sanatyndaǵy jastardyń úlesi jastardyń jalpy sanynan 8,3% quraıdy (53 myńnan astam jas).