Almatyda iri zaýyttar salynady

ALMATY. QazAqparat - Almaty ákimi Baýyrjan Baıbek Alataý aýdanyndaǵy Indýstrıaldy aımaqtyń ınfraqurylymdarynyń qurylysyn tekserdi, dep habarlaıdy QazAqparat tilshisi.

Alataý aýdanynda qurylys, farmatsevtıka, hımııa, tamaq jáne jeńil ónerkásip salalarynyń 40-tan jobasy júzege asyp jatyr.

Jumys sapary barysynda Baýyrjan Baıbek eń aldymen gaz, sý jáne munaı ónimderin tasymaldaıtyn úlken dıametrli bolat qubyrlaryn shyǵaratyn zaýyt qurylysy alańynda boldy. Bul elimizdegi alǵashqy joǵary tehnologııalyq ónim shyǵaratyn zaýyt bolmaq.

Kásiporyn iske qosylsa, Qazaqstanǵa syrttan ákelinetin qubyr ónimderiniń 60 protsentin Almatyda shyǵarýǵa múmkindik paıda bolady.

Almaty  ákimi kabel jelilerin shyǵaratyn reseılik kompanııanyń «KMK Investment» zaýytynyń,  Japonııadan tys jerde balamasy joq ınjenerlik jelilerdiń  qaýipsizdigin qamtamasyz etetin «Tokyo Rope Almaty» zaýytynyń qurylys barysymen tanysty.

 

Sonymen qatar  Baýyrjan Baıbek  qaldyqtardy tolyq óńdeıtin jáne suryptaıtyn keshendi  aralap kórdi.

Jańa joba óz kezeginde aınala qorshaǵan ortadaǵy ekologııalyq júktemeni azaıtady.

 

Jumys sapary barysynda  qala basshysy  200 jolaýshy avtobýsyna eseptelgen №3 kommýnaldy avtobýs parkiniń qurylysymen de tanysty.

Jańa avtobýs parki bir mezette 10 avtobýsqa qyzmet kórsetetin gaz qondyrǵylarymen jabdyqtalady. Avtobýs parkinde  tehnıkalyq qyzmet kórsetý, kólikti jýý, júrgizýshiler tynyǵyp, demalatyn ákimshilik-turmystyq blok  nysandaryn salý qarastyrylǵan.

 

Aıta ketý kerek, bıyl megapolıste «Almatyny damytýdyń 50 draıver jobasy» baǵdarlamasy aıasynda birqatar iri óndiris nysandaryn salý kózdelgen.