Almatyda iri kólemde qarajat pen esirtki saqtaǵan 61 jastaǵy azamat ustaldy

ALMATY. QazAqparat - Almatyda 61 jastaǵy G. esimdi azamat esirtkini kóterme jáne bólshek saýdada satýmen aınalysqan, dep habarlaıdy QazAqparat tilshisi.

Kúdiktini ustamas buryn polıtsııa qyzmetkerleri jedel jáne arnaıy sharalar keshenin júzege asyrdy. Dáleldeme bazasy jetkilikti kólemde jınaqtaldy.

«Kúdikti kúndizgi ýaqytta garaj kooperatıvteriniń biriniń aýmaǵynda ustaldy. Bizdiń málimet boıynsha, kúdikti satýǵa daıyndalǵan qylmystyq zatty sol jerde saqtaǵan. Tintý kezinde gashısh salynǵan 13 býma, marıhýana salynǵan 13 býma, PM-9mm tapanshasynyń bir patrony, 740 myń teńge kóleminde qolma-qol aqsha, 1 150 dollar, 50 eýro tabylyp, tárkilendi. Tárkilengen zat sot-hımııalyq saraptamaǵa jiberildi», — dedi Almaty qalalyq PD Esirtki qylmysyna qarsy kúres basqarmasynyń bastyǵy Erlan Álmaǵambetov.

Sondaı-aq, polıtsııa shaharǵa shópti jetkizý arnasy men esirtki satýshynyń turaqty tutynýshylary anyqtalatynyn, qazirgi ýaqytta G. esimdi azamat ýaqytsha ustaý ızolıatoryna qamalǵanyn habarlady.