Almatyda iri kólemde esirtki satqan er adam ustaldy
Almaty qalalyq Polıtsııa departamanti málim etkendeı, Qostanaı oblysynyń týmasy, 30 jastaǵy er adam birneshe aı boıy psıhotropty jáne esirtki zattaryn taratýshy kýreribolyp jumys istegen.
«Osy ýaqyt aralyǵynda ol kýrerden satýshyǵa deıin kóterilgen. Er adam esirtki tasymaldaý kezinde ustaldy. Patrýldik qyzmetkerler tutqyndaý kezinde odan 22 oram psıhotropty zat tabylyp, tárkiledi. Kúdikti osyǵan uqsas 13 orama tabylǵan jáne tárkilengen oryndy kórsetti. Sot-hımııalyq saraptama qorytyndysyna sáıkes, tárkilengen zat «mefedron» psıhotropty zat ekeni anyqtaldy», - dedi M. Áýezov aýdandyq polıtsııa basqarmasynyń bastyǵy Ulan Ábilhaıyr.
Bul fakt boıynsha sotaldy tergeý QR QK-niń 297-baby 3-bóliginiń 3-tarmaǵyna sáıkes tirkeldi. Osy qylmysty jasaǵany úshin múlkin tárkileýmen on jyldan on bes jylǵa deıingi merzimge bas bostandyǵynan aıyrý túrinde jaza qarastyrylǵan.
Kúdikti ýaqytsha ustaý ızolıatoryna qamaldy.