Almatyda ınternet-dúkendi tonaǵan úsh jigit ustaldy

ALMATY. QazAqparat - Almatyda jappaı tártipsizdik kezinde úsh jigit ınternet-dúkendi tonaǵan, dep habarlaıdy QazAqparat tilshisi.

Jappaı tártipsizdik kezinde belgisiz bireýler Gogol kóshesinde ornalasqan ınternet-dúkenniń esigin buzyp kirip, ondaǵy zattardy kótergenderinshe alyp ketken.

Polıtsııa departamentinen málim etkendeı, olardyń eń úlkeni – 30 jasta. Ol Ońtústik Qazaqstan oblysynyń týmasy, buǵan deıin de bótenniń múlkin urlaǵany úshin sottalǵan.

23 jastaǵy Shyǵys Qazaqstan oblysynyń týmasy men 22 jastaǵy almatylyq azamat alǵash ret qylmys jasap otyr.

«Tintý kezinde eki noýtbýk, úsh bý tazalaǵysh, eki kúrteshe, sporttyq kostıým jáne basqa da taýarlar tárkilendi. Atalǵan fakti boıynsha qylmystyq is qozǵalyp, tergeý amaldary júrgizilýde», - dep málim etti polıtsııada.