Almatyda ınspektor jerdi zańsyz ıemdenip alǵan
Almaty ákimdiginiń málimetinshe, 26 shilde kúni shahar basshysy Erbolat Dosaevtyń Alataý aýdanynyń turǵyndarymen kezdesýinde qala turǵyny «Áıgerim» shaǵynaýdanynda konteınerdi zańsyz ornatý jáne jerdi zańsyz basyp alýǵa qatysty shaǵym aıtqan bolatyn.
Aqparattyń anyq-qanyǵyn Alataý aýdanynyń ákimi A.Qaldybekov, Alataý aýdany boıynsha qalalyq josparlaý jáne aýmaqty damytýdy úılestirý qyzmetiniń jáne jer resýrstaryn basqarý departamentiniń basshylyǵy baryp tekserdi.
Ákimdik ókilderi konteıner ornatylǵan jer 2018 jyldan bastap qala rezervinde ekenin anyqtady. Tıisinshe, ony jekege berý múmkin emes.
«Mýnıtsıpaldy menshikke «Áıgerim» shaǵynaýdannyń ınspektory Sábıt Baltabaıuly qol suǵýǵa árekettendi.
Jerdi ıelený quqyǵyna dálel retinde ol ádilet organdarynda tirkelmegen 1998 jylǵy zańsyz sheshimdi kórsetken. Tekserý nátıjesinde ınspektordy qyzmetten bosatý týraly sheshim qabyldandy«, - dep habarlady Almaty ákimdiginiń baspasóz qyzmetinen.
Jumystan bosatý týraly buıryq qala ákiminiń apparatyna jiberildi.