Almatyda ınfektsııalyq aýrýhana qarajatyn jymqyrýǵa qatysty tergeý bastaldy
16:42, 18 Qańtar 2021
ALMATY. QazAqparat – Almatyda KVI gospıtaliniń qurylysyna bólingen qarajatty jymqyrý deregi boıynsha sotqa deıingi tergeý amaldary bastaldy, dep habarlaıdy QazAqparat tilshisi.
«16 qańtarda departament Almatyda koronavırýspmen kúresti kúsheıtý maqsatynda salynǵan modýldi aýrýhana qurylysyna bólingen qarajatty jymqyrýǵa baılanysty QR QK 189-babynyń 4-bólimi boıynsha tekserýdi bastady. Qazir istiń ádil tergelýin qamtamasyz etý úshin qylmystyq is boıynsha QR QPK 24-babyna sáıkes tergeý júrgizilip jatyr» dedi Almaty boıynsha Sybaılas jemqorlyqqa qarsy qyzmet ókilderi.
Qylmystyq protsessýaldyq kodekstiń 201-babyna sáıkes sotqa deıingi is málimetteri qupııa bolyp otyr.
Biz munyń aldynda qalalyq jaıly orta basqarmasynyń basshysy Sapar Nurashevke qatysty sotqa deıingi tergeý bastalǵanyn habarlaǵan bolatynbyz.