Almatyda ındýstrııalyq baǵdarlamalar jaqsy damyp jatyr - Áset Isekeshev
«Ótken jyly elimizde ónerkásip 4 paıyzǵa, óńdeý ónerkásibi 7 paıyzǵa damydy. Óńdeý ónerkásibiniń munaı salasyn basyp ozýy jaqsy úrdis. Almatyda munaı joq, negizinen óńdeý ónerkásibindegi shaǵyn jáne orta bıznes jaqsy kórsetkish kórsetýde», - dedi Áset Oryntaıuly. Mınıstrdiń aıtýynsha, qazir ındýstrııalandyrýdyń 2020 jylǵa deıingi baǵdarlamasy jasalýda. Onda qoldanystaǵy kásiporyndardy jańartýǵa jáne básekelestik pen eńbek ónimdiligine negizdelgen jańa óndiristi qurýǵa basty nazar aýdarylyp otyr.
«Biz búgin qoldanystaǵy kásiporyndardyń júktemesin arttyrý jaıyn talqyladyq. Degenmen memlekettik jeńildik birneshe jyldan keıin aıaqtalady. Osy kezeńde bıznes óndiristi jańartý máselesin sheship, básekege qabiletti bolýy kerek. Almatydaǵy keńestik dáýirde salynǵan kásiporyndardyń energııalyq tıimdiligi men eńbek ónimdiligi tómen. Sondyqtan jańada qurylyp jatqan ındýstrııalyq aımaqqa qazirgi zamanǵy kásiporyndar ǵana kirýi qajet», - deıdi Á.Isekeshev.