Almatyda ındýstrııalandyrý kartasy boıynsha 28 joba júzege asyrylýda
Bul jaıly qala ákimi Ahmetjan Esimov keshe ındýstrııalandyrý kartasyna qatysatyn birqatar óndiristik nysandardy aralaǵan kezde aıtty.
Almatyda qazir ındýstrııalandyrý kartasy boıynsha 28 ındýstrııalyq-ınnovatsııalyq joba júzege asyrylýda. Olardyń jalpy somasy - 485,2 mlrd. teńgeni quraıdy. Byltyr 171,5 mlrd. teńgeniń - 9, al aldyńǵy jyly 51,9 mlrd. teńgeniń 4 jobasy iske asyryla bastady.
«Osy jyldar ishinde biz elektrmen turaqty qamtamasyz etý úshin 20-dan astam shaǵyn stansa saldyq. Qalany elektrmen qamtamasyz etýdi jetildirý áli de jalǵasýda. Sizderde óndiris kóleminiń ulǵaıýy - birlesip atqarǵan jumystyń nátıjesi», - dedi Ahmetjan Esimov.
Indýstrııalandyrý kartasy tiziminde birinshi bolyp «Viva Pharm» kompanııasy tur. 120 adamdy jumyspen qamtamasyz etken bul kompanııa jylyna vırýsqa jáne allergııaǵa qarsy 15 mln. tabletka men 5 mln. danakapsýla bolatyn dári shyǵarady. Sondaı-aq bıýdjetke salyq túrinde 1 mln. teńge qarjy túsiredi. Memlekettik qoldaýǵa ıe bolǵan «PVH+Draıblend» JShS bolsa jyl saıyn 100 myń tekshe metr trýba men 8,5 myń dana buıym shyǵarady. Aǵymdaǵy jyly atalmysh óndiris orny jyl basynan beri 6 mln. 365 myń teńge salyq tóledi. Al «Bıznestiń jol kartasy-2020» baǵdarlamasyna qatysýshy «Almatynyń kópir konstrýktsııalary zavody» JShS 420 mln. teńge salyq tóledi. Infraqurylymy damyǵan bul kásiporynda 510 adam jumyspen qamtamasyz etilgen.