Almatyda ІІ Aımaqtyq medıa forým bolady
Ony Soros-Qazaqstan qory men Astanadaǵy EQYU ortalyǵynyń qoldaýymen «Respýblıka» gazetiniń redaktsııasy uıymdastyryp otyr. Sharanyń basty maqsaty - qazaqstandyq BAQ-tyń kókeıkesti máselelerin beıresmı jaǵdaıda talqylap, ony sheshýge usynystar jasaý. Baǵdarlamada jańa medıajobalardyń tanystyrylymy, trenınngter men ózekti taqyryptar boıynsha pikirsaıystar men qazaq tildi jýrnalıstıka jóninde jeke sessııa josparlanyp otyr. Forým kezinde - oqyrmandar men sarapshylar qazaqstandyq BAQ-tyń bolashaǵyn qalaı kózge elestetetini, sandyq pishinniń televızııa úshin oń men teris jaqtary, qazaqtildi basylymdardyń taralymy, aımaqtyq gazetterdiń ǵalamtor jelisine shyǵýy jáne taǵy basqa da máseleler talqylaýǵa túspek. Oǵan Qyrǵyzstan, Reseı jáne Ýkraına elderiniń medıa sarapshylary qonaq retinde shaqyrylyp otyr.