Almatyda iAzamat jalpyqalalyq platformasy iske qosyldy
Bul týraly qala ákimi Baqytjan Saǵyntaev Instagram-daǵy paraqshasynda jazdy .
«Almatyda Aqparat jáne qoǵamdyq damý mınıstri A. Balaevamen HІІ Azamattyq forýmynyń jumysyn ashtyq. Kún tártibinde — qala aldynda turǵan mindetterdi jergilikti atqarýshy organdardyń azamattyq qoǵammen ózara is-qımyly arqyly sheshý. Onlaın sessııa barysynda ekologııa men tsıfrlandyrý, densaýlyq saqtaý, bilim berý, áleýmettik qorǵaý, mádenıet pen sport máseleleri talqylanady»,– dep jazdy ákim.
Sonymen qatar, Baqytjan Saǵyntaev iAzamat jalpyqalalyq platformasynyń beta-nusqasy búgin iske qosylǵanyn aıtty.
«Bastamalardy talqylap, megapolısti damytý boıynsha usynystardy ázirleý úshin tıimdi kommýnıkatsııalyq alańdardyń biri retinde iAzamat jalpyqalalyq platformasynyń beta-nusqasy búgin iske qosyldy. Almatylyqtar qaladaǵy jobalarǵa daýys berip, ózekti máselelerdi kóterip, ondaǵy jańalyqtardy bilip otyrady. Jańa ınteraktıvti qural azamattyq qoǵamnyń basqarý jáne sheshim qabyldaý protsesine qatysýyn keńeıtedi. Bizdiń árqaısymyz Almatynyń ómirin jaqsartý boıynsha jańa ıdeıalar men usynystardyń bastamashysy bola alamyz»,– dep atap ótti shahar basshysy.