Almatyda HQO-lar halyqty tek aldyn ala jasalǵan bronmen qabyldaıdy

ALMATY. QazAqparat - Epıdemıologııalyq jaǵdaıdyń órshýine baılanysty Almaty qalasynyń bas sanıtarlyq dárigeriniń sheshimimen qalanyń halyqqa qyzmet kórsetý ortalyqtary turǵyndardy aldyn ala bronmen qabyldaıtyn boldy, dep habarlaıdy QazAqparat tilshisi «Azamattarǵa arnalǵan úkimet» memlekettik korporatsııasyna silteme jasap.

Qaýlyǵa sáıkes, halyqqa qyzmet kórsetý ortalyqtary kúsheıtilgen sanıtarlyq-profılaktıkalyq sharalardy eskere otyryp jumys isteıdi.

Jumys kestesi dúısenbiden senbige deıin saǵat 9.00-den 18.00-ge deıin.

Sondaı-aq halyqqa qyzmet kórsetý ortalyǵynyń qyzmetkerleri Ashyq qosymshasynyń kómegimen klıentterdiń mártebesin de tekseredi.

«Brondaýǵa ótinim qaldyrý úshin azamattar egov.kz elektrondyq úkimet portalyn paıdalana alady nemese 1414 nómirine qońyraý shalý qajet. HQKO ǵımarattaryna mindetti túrde betperde taǵyp kirý kerek. Qashyqtyqty saqtaý úshin belgiler 1,5-2 metr qashyqtyqta syzylǵan. Árbir HQO-da sanıtaızerler bar»,- deıdi «Azamattarǵa arnalǵan úkimet» MK KE AQ Almaty qalasy boıynsha fılıalynyń dırektory Ermek Bekjúnisov.