Almatyda halyqqa qyzmet kórsetý ortalyǵy kúsheıtilgen rejımde jumys isteı bastady
«Azamattarǵa arnalǵan úkimet» fılıaly basshylyǵy almatylyqtarǵa úndeý jasady.
«Búgingi kúni Qazaqstan aýmaǵyna ýaqytsha kelgen sheteldikterge JSN berý qyzmetin jáne QR aýmaǵynda ýaqytsha turýǵa ruqsat alýǵa rezıdent emesterdiń kelýine baılanysty fılıaldyń aýdandyq bólimderinde kórsetiletin qyzmetti alýshylardyń kóbeıgeni baıqalady. Osyǵan baılanysty biryńǵaı elektrondy kezek talonyn alýǵa da kezek artty»,- deıdi Almaty qalalyq fılıalynyń dırektory Abdýrasýl Kýldashov.
Onyń aıtýynsha, halyqqa qyzmet kórsetý bólimderindegi biryńǵaı elektrondy kezek talondaryn «anyqtama» sektoryndaǵy mamandardan da, «Mobıldi HQO» qosymshasyndaǵy QR kodty skanerleý jolymen de alýǵa bolady.
QR kodtary barlyq bólimderde qyzmet alýshylarǵa kórinetin jerlerde ornalastyrylǵan.
Sondaı-aq, ol sheteldikterdiń HQO-larǵa jappaı kelýine baılanysty, «Azamattarǵa arnalǵan úkimet» memlekettik korporatsııasy arnaıy kúsheıtilgen HQO-larda qabyldaý týraly sheshim shyǵarǵanyn aıtty.
Almaty qalasynda kúsheıtilgen HQO «Qulager» shaǵynaýdany, Serikov kóshesi, 6A (2-qabat) mekenjaıynda jumys isteıdi.
JSN alýǵa ótinim osy Jetisý aýdandyq kúsheıtilgen HQO-da qabyldanady.
«Qabyldanǵan sharalar HQO-da JSN alýshylar kezegin azaıtady. Memlekettik korporatsııa bolyp jatqan jaǵdaıdy retke keltirý úshin barlyq múmkindikti qarastyryp jatyr. Osy rette klıentterdi túsinikpen qaraýǵa shaqyramyz» - dedi ol.
JSN alý úshin sheteldikterden jeke basyn kýálandyratyn qujat talap etiledi.
Al kórsetiletin qyzmetti alýshynyń resmı ókili júgingen jaǵdaıda, notarıaldy kýálandyrylǵan senimhat jáne ótinishi qajet bolady.
Sheteldikter úshin JSN kýáligin berý merzimi – 1 jumys kúni. Qazaqstanda JSN alý barlyǵyna tegin.
Almaty qalasyndaǵy HQO-lar shtattyq rejımde dúısenbi-juma aralyǵynda 9:00-den 18:00-ge deıin, al kezekshi HQO-lar senbide 9:00-den 13:00-ge deıin jumys istep tur.
Qyzmet alýshylar «Mobıldi HQO» qosymshasy, eGov mobile, EgovKzBot2.0 telegram-boty, eGov elektrondy úkimet portaly jáne 1414 Biryńǵaı baılanys ortalyǵy arqyly HQO-ǵa kezekke turý úshin aldyn ala tapsyrys bere alady.