Almatyda Halyqaralyq valıýta qorynyń óńirlik ortalyǵy ashyldy

ALMATY. QazAqparat - Ulttyq bank tóraǵasy Ǵalymjan Pirmatov basqarýshy dırektor Krıstalına Georgıeva bastaǵan HVQ delegatsııasymen birlesip, Kavkaz, Ortalyq Azııa jáne Mońǵolııa elderinde áleýetti damytý jónindegi Halyqaralyq valıýta qorynyń (HVQ) óńirlik ortalyǵyn ashty, dep habarlaıdy QazAqparat.

Sharaǵa aımaqtaǵy jáne álem elderindegi ortalyq bankterdiń, halyqaralyq qarjy uıymdary men birqatar dıplomatııalyq mıssııalardyń basshylary, sondaı-aq memlekettik organdardyń ókilderi qatysty.

Almatydaǵy óńirlik ortalyq HVQ-nyń álemdegi áleýetin damytatyn 17-ortalyqqa aınaldy. Ortalyq tóńirektegi toǵyz elde: Armenııada, Ázerbaıjan men Grýzııada, Qazaqstanda, Qyrǵyz Respýblıkasy men Mońǵolııada, Tájikstanda jáne Túrikmenstan men Ózbekstanda HVQ qyzmetin úılestiredi.

Ortalyqtyń qyzmeti quzyretti jetildirýge, tájirıbe almasýǵa, memlekettik basqarý, bıýdjet pen aqsha-kredıt saıasaty, qarjy sektoryn damytý salasyndaǵy álemdik úzdik tájirıbelerdi zerdeleýge jáne qoldanýǵa baǵyttalady.

HVQ óńirlik ortalyǵyn Almatyda ashý Qazaqstan men HVQ arasyndaǵy kópjyldyq yntymaqtastyqtyń jemisi sanalady.