Almatyda Halyqaralyq etnoforým ótedi

NUR-SULTAN. QazAqparat - Sanaýly saǵattardan soń Almaty qalasy ákimdiginiń qoldaýymen Almatydaǵy «Royal Tulip Almaty» qonaq úıinde Halyqaralyq etnosport konfederatsııasynyń «Rýhanı jańǵyrý. Ulttyq sportty damytý» ІІ Halyqaralyq etnosport forýmy bastalady, dep habarlaıdy QazAqparat tilshisi.

QR Ulttyq sport qaýymdastyǵy málim etkendeı, 18-21 sáýirge josparlanǵan aıtýly sharany Halyqaralyq etnosport konfederatsııasy men QR Ulttyq sport Qaýymdastyǵy uıymdastyryp otyr.

Jıynǵa álemniń 30-ǵa jýyq memleketinen 150-den astam etnosport delegatsııalary qatysady.

Olardyń ishinde birqatar memlekettiń sport mınıstrligi basshylary, ulttyq sport salasynyń maıtalmandary, halyqaralyq dárejedegi jattyqtyrýshylar men tóreshiler, sportshylar, sondaı-aq qoǵam qaıratkerleri bar.

Forýmda dástúrli oıyndar men sport túrlerin álem boıynsha damytý, Qazaqstanda ótetin І Búkilálemdik etnosport oıyndaryn ótkizý, Túrkııada 2020 jyly uıymdastyrylatyn IV Dúnıejúzilik kóshpendiler oıynyn jetildirýdiń joldary jáne basqa da álemdik etnosport salasynyń ózekti máseleleri talqylanady.

Sharanyń ótýine Túrik yntymaqtastyq jáne úılestirý agenttigi (TİKA) de qoldaý bildirip otyr. Al, halyqaralyq sharanyń Bas seriktesi - «Samuryq-Qazyna» ulttyq ál-aýqat qory».