Almatyda halyqaralyq baý-baqsha festıvali ótedi

ALMATY. QazAqparat - Almatyda 13 men 15 qyrkúıek aralyǵynda «ALMATY GARDEN SHOW» VII baý-baqsha festıvali uıymdastyrylady. Qazaqstandaǵy eń iri halyqaralyq landshaft dızaıny jáne qorshaǵan ortany kórkeıtý festıvali bıyl «qaladaǵy tabıǵat» uranymen ótedi, dep habarlaıdy QazAqparat tilshisi.

Almaty ákimdigi baspasóz qyzmetiniń habarlaýynsha, bıylǵy baý-baqsha festıvali erekshe bolmaq. Bul joly zamanaýı qalalyq landshaft dızaıny men baqsha ónerine erekshe mán beriledi. Kórikti, shynaıy tabıǵat úlgisindegi baqtar men saıabaqtardyń qurylýyna, olardyń megapolısta alatyn orny men mańyzyna arnalady.

Shara memlekettik qyzmetkerlerdiń qoldaýymen ótedi. Munda landshaft dızaınerleri men sáýletshiler, kelýshilerge baý-baqsha salasyndaǵy jetistikterin kórsetýge múmkindik alady. Festıval aıasynda «kógaldandyrý» kórmesi ótip jatyr. Onda kóptegen baqsha ónimderi, aǵash kóshetteri men arnaıy ádebıetter usynylýda.
Uıymdastyrýshylardyń aıtýynsha, festıvalde álemdik jetekshi dızaınerler, baǵbandar men florısterdiń sheberlik synyptary ótkiziledi. Qonaqtar men qatysýshylardy mádenı jáne iskerlik baǵdarlama kútip tur.