Almatyda Grýzııa azamaty zańsyz oıyn bıznesin uıymdastyryp, 30 mln teńge tabys tapqan

ALMATY. QazAqparat - Almaty qalasy boıynsha ekonomıkalyq tergeý departamenti qalada zańsyz oıyn bıznesin uıymdastyrǵan 1991 jyly týǵan azamatqa qatysty sotqa deıingi tergeýdi aıaqtady. Bul jóninde Qarjy monıtorıngi komıtetine silteme jasap QazAqparat habarlaıdy.

Zańsyz oıynhanany qyzmetkerler jedel-tergeý sharasy barysynda kala shetinen anyqtady.

Tergeý aıasynda qala turǵynynyń Grýzııa eliniń týmasy ekendigi, Qazaqstanda turýǵa yqtııarhaty bar ekeni belgili boldy. Ol asa iri kólemde - 29,6 mıllıon teńgeden astam somada tabys ákelgen astyrtyn bıznes - elektrondy kazıno jumysyn júrgizip kelgen.

Úı-jaıdy tekserý barysynda departament qyzmetkerleri 7 oıyn termınalyn, tyıym salynǵan bıznes túrin uıymdastyrýǵa múmkindik beretin, atap aıtqanda, stavka qabyldaýǵa, utysty esepteý men berýge qoldaý kórsetetin onlaın oıynnyń 39 kompıýterlik tehnıka qosymshalaryn tárkiledi.

Sot úkimimen aıyptalýshy QR QK 307-babynyń 3-bólimi, 2-tarmaqshasyna sáıkes kináli dep tanylyp, oǵan 4 jylǵa bas bostandyǵynan aıyrý jazasy taǵaıyndaldy.