Almatyda ǵasyr jasaǵan maıdanger ájeı daýys berdi

ALMATY. QazAqparat - Almatynyń júz jasaǵan turǵyny referendýmda daýys berdi, dep habarlaıdy QazAqparat tilshisi.

Ekinshi dúnıejúzilik soǵys ardageri Nına Krylova Máskeýdi qorǵaýǵa qatysqan. Soǵys aıaqtalǵan soń turmys quryp, otbasyly bolady.

Ardager Almaty qalasynyń №81 balabaqshasynda pedagog-tárbıeshi bolyp eńbek etken.

Jaýyngerlik nagradalardan bólek, eńbekte jetken jetistikteri úshin gramotalarmen marapattalǵan.

Nına Afanasevna qartaıǵan shaǵynda da el taǵdyryna beıjaı qaramaı, úıden daýys berýdi uıymdastyrýdy surapty.

Kóshpeli saılaý komıssııasy ardagerdiń ótinishin qanaǵattandyrdy.

Ardager ájemiz elimizdiń jarqyn bolashaǵy úshin daýys bergenin jetkizdi.