Almatyda Gagarın dańǵylyndaǵy aǵashtar ruqsatsyz kesilgen
22:00, 20 Shilde 2022
ALMATY. QazAqparat - Almatyda ruqsatsyz aǵash keskenderge ákimshilik hattama toltyrylyp, ornyna 150 dana japyraqty aǵash otyrǵyzý mindetteldi, dep habarlaıdy QazAqparat tilshisi.
Almaty qalasynyń ekologııa jáne qorshaǵan orta basqarmasynyń málimetinshe, mekeme Gagarın dańǵyly, 80 mekenjaıynda aǵash kesýge ruqsat bergen joq.
«Osy fakt boıynsha Almaty qalasy polıtsııa departamenti qyzmetkerlerimen birge oqıǵa ornyna bardyq. Tekserý barysynda 3 terektiń butasyn otap tastaý faktisi anyqtaldy. Atalǵan derek boıynsha QR Ákimshilik quqyq buzý týraly kodeksiniń 386-babyna sáıkes ákimshilik hattama toltyrylyp, 150 dana japyraqty aǵash otyrǵyzý boıynsha kepildik mindetteme alynady»,- dep habarlady basqarmadan.
Belgili bolǵandaı, aǵashtardy kesýge tapsyrysty joǵaryda kórsetilgen mekenjaıda medıtsına ortalyǵynyń qurylysyn júrgizip jatqan azamat B.K. Bekmýsaev bergen.