Almatyda fýtbol jankúıerleri janjal shyǵardy

ALMATY. QazAqparat - Almatyda Ortalyq stadıonda ótken jergilikti «Qaırat» jáne «Aqtóbe» komandalary arasyndaǵy fýtbol matchy jappaı tártipsizdikpen aıaqtaldy, dep habarlaıdy QazAqparat tilshisi.

Onyń vıdeosy áleýmettik jelilerde tarady. Beınejazbadan tártip saqshylary fýtbol jankúıerlerin ustap jatqany kórinedi.

Almaty qalalyq Polıtsııa departamenti ortalyq stadıonda fýtbol oıyny kezinde tártipti aldyńǵy saptaǵy bólimsheler men polıtsııanyń biriktirilgen jasaqtarynyń qyzmetkerleri qamtamasyz etkenin málimdedi.

«2023 jyldyń 14 mamyrynda Almatyda «Qaırat» pen «Aqtóbe» fýtbol klýbtary arasynda match ótti. Komandalaryn qoldaýǵa 17 myń adam keldi. Matchtar arasyndaǵy úziliste stadıon syrtynda tórt jankúıerdiń qatysýymen janjal shyqty.Qaqtyǵysty polıtsııa qyzmetkerleri toqtatty.

Oqıǵaǵa qatysýshylar Medeý aýdandyq polıtsııa basqarmasyna jetkizildi.Taraptardyń bir-birine qoıatyn talaptary joq. Komandalardyń jankúıerlermen quqyqtyq túsindirme áńgime júrgizilip, keıin olar bosatyldy»,- dep habarlady vedomstvodan.

Aıta keteıik almatylyq «Qaırat» fýtbol klýby «Aqtóbe» komandasyn 2:1 esebimen jeńdi.

Eske salaıyq, osydan eki aı buryn Almatyda 14 naýryz kúni «Qaırat» pen «Kaspıı» arasyndaǵy fýtbol matchy tóbelespen aıaqtalǵan bolatyn.