Almatyda Eýrazııalyq úkimetarlyq keńes otyrysy ótip jatyr
Kún tártibinde saýda-ekonomıkalyq yntymaqtastyqty keńeıtý, ishki naryqtyń damýyna jol bermeıtin kedergilerdi joıý, sondaı-aq ekonomıkanyń jekelegen salalarynda ıntegratsııalyq áleýetti damytý máseleleri qaralyp jatyr. Sondaı-aq, Eýrazııalyq Ekonomıkalyq komıssııa men TMD atqarýshy komıteti arasyndaǵy baılanysty budan ári nyǵaıtýǵa arnalǵan jumys jospary da bekitiledi.
QR Premer-Mınıstri Asqar Mamın óz sózinde joǵary Eýrazııalyq ekonomıkalyq keńestiń sheshimine sáıkes, Qazaqstan 2021 jyldyń 1 qańtarynan bastap EAEO organdarynyń ókildigin qabyldaǵanyn atap ótti.
Osyǵan oraı, Memleket basshysy Qasym-Jomart Toqaev EAEO múshe memleketterge Qazaqstan Respýblıkasynyń 2021 jylǵa arnalǵan negizgi basymdyqtary týraly úndeý joldady.
«Birinshiden, biz óndiristik kooperatsııany damytýǵa kúsh salamyz. Bizdiń mindetimiz – eldiń básekelestik áleýetin tolyq iske asyrý. Prezıdent Qasym-Jomart Toqaev atap ótkendeı, biz EAEO aıasyndaǵy óndiristik yntymaqtastyqtyń negizgi baǵyttaryn tolyǵymen qaıta qarap, jańartýymyz kerek.
Ekinshiden, eldegi saýda- sattyq arasyndaǵy kedergilerdi joıý kerek. Shektelgen dınamıka men syrtqy suranys jaǵdaıynda jáne ortaq naryqtyń jumys isteýi men qol jetimdiligi boıynsha EAEO mańyzdylyǵy artyp keledi. Bizdiń óndiristik júıelerdiń básekege qabiletti artyqshylyqtaryn tolyǵymen iske asyrý úshin kedergileriniń paıda bolýyna jol bermeý kerek. ıAǵnı, tárkileýlerdi barynsha azaıtyp, taýarlardyń erkin qozǵalysyna jaǵdaı jasaý qajet.
Úshinshiden, biz EAEO haby úshin transshekaralyq arterııasynyń ınvestıtsııalyq áleýetin jaqsartýǵa kúsh salýymyz kerek. Qazirgi jaǵdaılar bizge EAEO áleýetin paıdalanýǵa múmkindik beredi. Óıtkeni, bul aımaqtaǵy ǵana emes, álemdegi eń mańyzdy saýda-kólik haby . Bul jumysta biz Eýrazııalyq ıntegratsııalyq qaýymdastyqtyń «Bir beldeý, bir jol» bastamasymen baılanystyryp, Eýrazııa elderiniń básekege qabilettiligin, tranzıttik baǵyttardyń qyzmetin jáne ulttyq taýarlardy taratý júıesin ıntegratsııalaýdy biriktirý ıdeıasyn jalǵastyrýymyz kerek.
Tórtinshiden, biz tsıfrlandyrý boıynsha jumysymyzdy kúsheıtýimiz qajet. EAEO dınamıkany eskere otyryp, onyń artyqshylyqtaryn nemese artta qalý sebebin anyqtaıdy. Biz tsıfrlyq bastamalardy jobalaý men júzege asyrýdaǵy yntymaqtastyq tásilderdi jańartamyz. Búgin tsıfrlyq forýmy aıasynda osy ózekti máselelerdi talqylaýǵa múmkindik aldyq.
Besinshiden, úshinshi eldermen jáne ıntegratsııalyq birlestiktermen saýda-ekonomıkalyq qatynastardy keńeıtý boıynsha jumysty jandandyrý qajet. Eýropalyq Odaqpen, Ońtústik-Shyǵys Azııa elderi qaýymdastyǵymen dıalog qurý úshin júıeli jumys júrgizilýi tıis. Mundaı baılanys EAEO taýarlary men qyzmetteriniń syrtqy naryqqa shyǵýyna jáne ekonomıkany halyqaralyq deńgeıde ıntegratsıalanýyna jaǵdaı jasaıdy»,- dedi Asqar Mamın.
Sonymen qatar, Úkimet basshysy qarqyndy tendentsııalar, sonyń ishinde ondaǵan jyldar boıy óndiriste qalyptasqan qazirgi jaǵdaı men naryqtaǵy qatań básekelestikti yǵystyrý ońaı emestigin atap ótti.
« Biz birtutas ekonomıkalyq, óndiristik jáne saýda saıasatyn qurýymyz kerek. Osyǵan baılanysty bizdiń jumys baǵytymyz ortaq múddemizge tolyq sáıkes keledi. Bizdiń usynysymyzdy iske asyrý jańa ortada ekonomıkalyq, óndiristik jáne saýda qurylymyn jedel ózgertý qajettiligin kórsetedi. Men áleýetti arttyrý úshin taraptardy birlese jumys isteýge shaqyramyn «, - dedi Asqar Mamın.
Aıta keteıik, Eýrazııalyq úkimetaralyq keńes otyrysyna qatysýshylar búgin «Digital Almaty 2021» atty halyqaralyq forýmyna qatysqan bolatyn. Dástúrli pikirtalas alańynda ekonomıkalyq odaq aıasynda tsıfrlyq júıege ótýdiń ózekti máseleleri talqylandy.